بیرلیک یایینلاندی

علامه بیلیم یوردونون اویرنجی درگی سی اولان "بیرلیک" یایینلاندی. بو ادبی مدنی درگیده ادبیات و هونر ساحه لرینده چئشیدلی مطلب لر او جومله دن قیسا حکایه، شعر، رومان پارچالاری، تنقید، و... چاپ اولونوب.

بو درگینین امکداشلارینا اوغولار آرزیلاییرام. بیرلیکلری داواملی اولسون.

ANIMARAL

آذربایجان انیمیشن سایتی

انیمارال ،آذربايجان انيميشن سايتي ايشه باشلادي. بو سايت لاتين اليفبادان فايدالاناراق انيميشن اوزره  يوكسك سويه ده بيلگي لر و اثرلر يايماقدا دير.

بو سايتين موديري و پرفسيونال انيماتور "مجيد بلادپس" آذربايجانين ديرلي و گنج آرتيستلريندن ساييلير. مجید بی تهران بيليم يوردونون "اينجه صنعت لر" فاكولته سينده "صنعتي طراحليق" شوعبه سينده تحصيل آلميشدير.  عئيني زاماندا انيميشن ساحه سينده ايشله ميش و ديرلي تجروبه لر قازانميشدير.

خويدا دوغولموش و تحصيليني بيتيرديكدن سونرا يئني دن خويا قاييديب و اوردا هونر تدريسينه مشغول اولان گنج صنعتكارين ديرلي اثرلريندن "ماه و پلنگ"ين آديني چكمك اولار. تخمينن ۸ دقيقه ليك اولان بو اثرين يارانماسيندامجيد بي كيمسه دن يارديم آلمادان ۱۱ آي گئجه گوندوز ايشله ميشدير...

سایین مجید بیه و اونون انیمارالدا امکداشلارینا اوغورلار آرزیلاییرام.

WWW.ANIMARAL.COM

آخشام اؤستو بو مئیدان دا!

آخشام اوستو اینقلاب مئیدانیندان ائوه گلمک یئرینه قوزئیه دؤنوب پیلله لری چیخا بیلردین سونرا دا اوزون ایشگه دالان کیمی بیر یئردن کئچه بیلردین.

- یاللاه حسن آغا یورولمییاسان

- ساغ اول

- نئینیسن؟

- تازا کیتابین جیلدی بوگؤن چاپدان چیخیب گه باخ گؤر...

حسن آغا میز قاباغیندا تازا بؤکدویو کیتابلاری سنه گؤرسدن زامان. اییلیب قاپی آراسیندان  "سلام"لاشیرسان

توکانین ایچی قیمیلدیر. بلکه "منظوری" (جنابلاری دئمدیم آجیغینا گلر) شاییردلاری له گلیب اورا

گؤجوبیللاهینان ایچری یه کئچیرسن

سلام سلام سلام سلام سلام سلام

تانیش اولمییان لادا تانیش اولا بیلرسن.

" یئنه بو توکان دا اؤز اؤزه گلدیک

بیزیم کی آیریجا پاتوغوموز یوخ"

نه قیرجانماق اوچون "کافه کتاب"ی وار نه خلقی سویماق اوچون "CD بار" تکجه کیتاب ، درگی، سئوگی ، دویغو و فرزانه نین ایستی اللری الینی سیخا بیلردی.

ندن باغلانماغینی بیلمیرم. تزلیکله یئنیدن او نرده لی قاپینین آچیلماغینی آرزیلیرام.

آخشام اوستو بو مئیدانی فرزانه سیز کئچمک اولمور.