بو پوسترلر اوچونجو چین پوستر بیئنالینین سئچیلمیش اثرلریندن بیر نچه سی دیر 

بين الخالق"ايكوقرادا ۲۰۰۷" كونقره سي كئچيريلدي. قرافيك ديزانين ساحه سينده ان بؤيوك و معتبر ساييلان بو بين الخالق قورولتاي اوكتوبر آيينين ۲۰سيندن ۲۶دك دونيانين قرافيك پايتاختي آدلانان "هاوانا" شهرينده قورولموشدو.

بو قورولتايدا "ديزاين"، "مدنيت و تحصيل"،"باشقالارين مدنيتين نئجه آنلاياق"، "بوگونكو ديزاين دونياسيندا مدني آل-وئرلر" " يوكسك و بؤيوك مدني مئديالارين ديزايني" "ميللي كيمليكلره گؤره گوندم دوشونجه لر" "بومي مدنيتلرين موعاصير ديزايندا رولو" "شهر مدنيتي و پوستر" و...س موضولاريندا چوخلو اؤيرتيم كنفراسلاري كئچيريلدي.

بو قورولتايدا ايشتراك ائديب امكداشليق ائدنلر سيراسيندا "شييه قو فوكودا"، " آن-سانق سو"، "آلخاندرو ماقايانس" كيمي تانيش آدلارا دا راست گليريك.

بو قورولتايين كناريندا ايلده بیر نچه سرگی ده قورولماقدادیر. بو ایل "مدني چشيدلي ليكلر" موضوسوندا دونیا قرافیستلریندن ۱۰۰ اثرین سرگیلنمه ییله بیر سرگی یونسکونون حیمایه سی و  اسپانسر اولدوغو حالدا قورولدو. عینی حالدا "کوبا سینما فوندو" نون حیمایه سی ایله "ادوارد مونز باکس"ین سینما پوسترلریندن بیر آیری سرگی قورولدو. بو کونقره نین قورولان چاغلاریندا آچیلان سرگیلردن "کوبا قرافیکی" آدلی سرگینین ده آدینی چکمک اولار. بو سرگی ده چوخراق کوبانین ۱۹۵۹ اینقلابیندان بری چکیلن پوسترلر گؤز اؤنونه قویولموشدو. 

A L A T O R A N

آلاتوران ادبی درگیسینین ۱۱-جی ساییسی یایینلانیب. گومان بوتای شاعیر و یازیچیلاریندان دا چوخلو اثرلر چاپ اولونوب( پخیللیق دان هئچ باخمامیشام گؤرم دوز دئییرلر یا حئسابا سوخورلار!) .

بو درگینی PDF فورمتینده دانلود ائلییه بیلرسیز.

یان لئنیکا

لهیستان پوستر مکتبینده ان گوجلو گؤزه چارپان مساله، پوسترلرده ایلستراسیون (تصویرسازی) دان فایدالانماقدیر.بو پوسترلرده موضونو موخاطبه چاتدیران بیرینجی عامیل تصویردیر. البته بونو آرتیرمالییق کی آمریکا و فرانسه پوسترلری ده بو سویه ده اولموشدور. لهیستان پوسترلرینه باخاندا یازی(ایستر متن ایسترسه ده ساب تایتل یا بیرینجی یازی) و تصویر آراسیندا هئچ بیر آیریلیق و سینیر گؤزه چارپمیر. بصری جهتدن تایپ و ایمئیج آراسیندا قورولان نیسبت و بونلارین آراسیندا بصری جهتدن اورقانیک ارتباطین یارانماسی چوخ اؤنم داشییر.

لهیستان مکتبینده تایپ مساله سینه گلنده دئمک اولار یازینین فورمو (فونت شکلینده یا ال یازیسی شکلینده) پوسترین موضوسو اساسدا و اونون فضاسی ایله اویغون سئچیلیر و نهایتده یازینین فورمو دا پوستری بصری جهتدن زنگینلشدیریر. بو یازیلار معنا و فورم باخیمیندان پوسترین فورم و محتواسی ایله اویغون اولور.

یان لئنیکا لهیستان پوستر مکتبینین داهیلریندن ساییلیر. لئنیکا ۱۹۲۸ ده آنادان اولوب و ۲۰۰۱ ده دونیاسینی دییشمیشدیر. اونون پوسترلریندن نچه سینی اورنک اولاراق آشاغیدا گؤره بیلرسینیز.