یارپاق درگی‏سینین ۱۴جی ساییسی یایینلاندی

بو سئویندیریجی خبر ۲ ایل‏دن آرتیق یارپاق‏سیز

 قالماغیمیزا سون قویور.

قاجار شاهی فتحعلی شاه لوور بَیی!

قاجار شاهلیغینین ایکینجی شاهی فتحعلی شاهین فرانسانین لوور موزه‏سینده ساخلانیلان پورتره‏سی "لوور بَیی" سئچیلدی. آرتیق بیلگی آلماق اوچون لینکی تیکلَیین.

آرتیق بیلگی

عزیز یولداشیم رضا کاظیمینین ۱۰۰۱ گئجه آدلی وبلاقینا ایشله‏دییم آرمی گؤرورسوز

اینجانب پریسا پورحسینی، طراح و گرافیست، در مورد نشریه سارای (شماره ۱۴- اسفند ۸۶) اعلام میدارم ؛علیرغم درج نامم به عنوان طراح گرافیک در شماره مذکور این مجله ، هیچ گونه مسئولیتی در قبال طراحی و گرافیک جلد و صفحات داخلی این مجله ندارم زیرا فایل طراحی شده ای که بنده ارائه کرده ام با آنچه اکنون به چاپ رسیده تفاوت فاحشی دارد و افت شدید کیفیت گرافیکی مورد مشاهده در آن بر عهده بنده نیست.

 

قورخـما! بو ماوی گؤی آلتیندا یانان آل گونشین

و اوفوق­لرده گولن آل شفقین سؤنمویه­جک

ایلک باهارین آچاجاق گول

اوتجک بولبول­لر

دونیامیز بیرده بو عالم­ده خزان گؤرمویه­جک

دونیا دوردوقجا سهندین اوجا بورجوندا یانان

اول گؤموش رنگلی آی، یول­لاری آیدینلاداجاق

آخاجاق نهر­لرین

هم آچاجاق لاله­لرین

بیرده ائولرده اینان سؤنمویه­جک اود و اوجاق

ائی منیم شانلی ائلیم

حور وطنیم

آل گونشیم

آی قادین­لار

آنالار

بیرده آچین پنجره­نی

صوبح آچیلماقدادی

صوبحون یئلی داغ­لاردان اسیر

 حبیب ساهیر

"سونای" حيكايه اؤدولونون سونوجو

نئچه آی چاليشمالاردان و چكيش- بركيشدن سونرا "سونای"، سونا چاتدی.

 بو چاليشمالاردا گونئي نثرينين گون-گونه گليشمه­سينه ايناناراق، بيزه حيكايه گؤندرن سايين يازيچي­لاريميزدان درين تشكورلريميزي بيلديرمه­يي اؤزوموزه بورج حساب ائديريك.

باشيميزي اوجالتديغينيزا گؤره، باش اوجا ياشاماغينيز، ان بؤيوك آرزيميزدير.

ايجرايي هيئت سونايين ايلك گونلريندن اينانيلماز حادثه ايله اوز به اوز اولدو، بيزه گؤندريلميش حيكايه آخينيندا غريبه بير گوجه مالك اولدوغوموزا اينانماق چتين ايدي.

ديليميزين آكادميك تحصيلينين ياساق ائديلمه­سينه رغمن ديليميزده نثر يازان گنج­لرين چوخونلوغو، ‍‍‍‍‍‍ژوري هيئتينده ده اؤزل ماراق دوغورموشدو. البته كي ديليميزين ياساقليغي بوتون يازي­لاريميزدا استاندارد آذربايجان ديلينه بير تهلوكه كيمي قاش- گؤز آغارتماقدادير.

بيزه گلن حيكايه­لرين بير پاراسيندا دا بو ياساقليق منفي ائتكيسيني بوراخميشدير.

بيزه گؤندريلميش اثرلرده باشقا بير يانليشليق ايسه "حيكايه" ايله "ناغيل" سرحددينين پوزولماسيدير. بيزيم گونئي ده فارسجا "داستان" و "قصه" دئييلن فورمالارین آيريلماماسي ادبياتيميزدا بير گرگينليك كيمي ساييلا بيلر.

بعضي چتينليك­لر اوزوندن گئجيكمه­ييميزه رغمن بو گون سوناي اؤدولونون سئچگين­لريني تانيتديرماغيميز اوچون اؤيونوروك.

بونونلا بئله سوناي حيكايه اؤدولونون ژوري هيئت­لري (اسماعيل هادي، نيگار خياوي، محمد صبحدل، رضا كاظمي، رسول يونان) جنابلاريندان ايستي تشكورلريميزي بيلديرَرك سونايين ايللر بويو دوام ائده­جه­ييني آرزولاييريق.

ان بؤيوك آرزيميز ايسه گونئي ده معيار ديلين اوزه گليب چيخماسي و گلن سوناي اؤدولونده سامباللي اثرلرله قارشيلاشاجاغيميزدير.

سوناي ايجرايي هيئتي:

 سعيد موغانلي- yashmaq.blogfa.com

حامد احمدي-     chuxurlar.blogfa.com

مهيار علي­زاده ipektesvirler.blogfa.com -

سونايين تقديره لاييق گؤردويو يازيچي­لار و اثرلر اليفبا سيراسي ايلا بونلاردان عيبارتدير؛

آرغيش- حميد / تيكانلي مفتيل­لر

چاووش زاده- عبدالمجيد / خوروزلارين بانينا قدر

صيامي- مژگان / بير شهر ايدي بير ظفر

منوچهري- زيبا / امينه- گؤزل امينه

نعمت- ووقار / باش توتمايان رومان

سونايين ژوري هيئتينين سئچدييي ان 5 ياخشي اثر اليفبا سيراسي ايلا بونلاردان عيبارتدير؛

دوستار- داوود / مورالميش شمدانلار

رضاپور- اكبر / قيرتليق

صفري- رقيه / ساري دوش

مجدفر- مرتضی / سونونجو قورد

مهدوي- محمود / من، عظيم و لنين

  رحمتلیک اوستاد بهزادی یا ایتحاف